NIANGAI KAA NILAU

Bang ellau kohap na 

Sangom sab song patakka 

Baran ku mareom pikilan sidja

Bang kohap na palabai

Takissa ku, susah na deom atai 

Baran ku ngalamma, pikilan matai

Niangai kaa nilau? 

Niangai aku mag kasusahan 

Halam bai tahati nu?

Pangataian ku ilu na ma ka'a

Oh... 

Dayang ku kalasahan

Pangataian ku ilu na ma ka'a

Niangai kaa nilau? 

Niangai aku mag karukkaan

Halam bai tahati nu?

Bilahi toongan aku ma ka'a

Oh...

Dayang ku kalasahan 

Bilahi toongan aku ma ka'a

#NukilanMaramsaSahial

#LoghatBahasaBajauSamaUbian

#SempornaSabah19092018

SIKSA TAKISSA KU

Ellau Diya'i
Iyah, He' Na Palaan
Nambanan Aku Dangan-dangan

Hamniya' Na..
Pag Puhunan Ku

Min Kalungai..
Kasilasa Dayang Ku

Oh Paddi' Na..
Siksa' Takissa Ku
Iyah, Laan Nambanan Aku

Mata Ellau,
Halam Mag Sahaya
Sali' Meya' Mag Karukkaan Ma Aku

Ulan Palabu',
Mag Hunus Baliu
Sali' Maka Hati Siksa' Pangataian Ku

Ellau Diya'i,
Kamemon Ya Palabai
Entoman Ku Mareom Atai

Lanu' Bai Pag Kabilahi Ta
Mbal Kaa Takaipat Takalupa
Minsan Ka'a Na Ya Maka Hansul Binasa

Oh Paddi' Na..
Siksa' Takissa Ku
Iyah, Laan Nambanan Aku

Mata Ellau,
Halam Mag Sahaya
Sali' Meya' Mag Karukkaan Ma Aku

Ulan Palabu',
Mag Hunus Baliu
Sali' Maka Hati Siksa' Pangataian Ku

#NukilanMaramsaSahial

#LoghatBahasaBajauSamaUbian

#SempornaSabah20092018

TUNGGAL KAA

Tunggal Kaa Ma Atai Ku

Halam Niya' Saddi', Wal Ka'a

Minsan Kaa Mingga Na Sidja

Ma Pidju Mata Ku, Tanda' Ta Kaa

Dayang Kinalasahan..

Kahaba' Waktu, Sataha' Umul Ku

Ka'a Na Putli',

Mareom Jantung Ku

Ka'a Na Tunggal,

Dikayu'-kayu' Ma Atai Ku

Dayang Kinalasahan..

Kahaba' Waktu, Sataha' Umul Ku

Tunggal Kaa Ma Atai Ku

Halam Niya' Saddi', Wal Ka'a

Minsan Kaa Mingga Na Sidja

Ma Pidju Mata Ku, Tanda' Ta Kaa

Dayang Kinalasahan..

Kahaba' Waktu, Sataha' Umul Ku

Ka'a Na Putli',

Mareom Jantung Ku

Ka'a Na Tunggal,

Dikayu'-kayu' Ma Atai Ku

#NukilanMaramsaSahial

#LoghatBahasaBajauSamaUbian

#TawauSabah22092018

MINGGA KAA

Taggol Na Bai Pamiha Ku

Bang Mingga Na Kaa Kumala'

Pag Inum,

Pag Kakan Mbal Tantu
Pikilan Sagut, Kagkag Baran Ku

Oh.. Dayang..

Libut, Latag Kalahatan

Ubus A'a Nitilau Pamiyahan

Kalu Tatammu, Tahati Kaa

Niabut Minsan Nitong Junnya

Mag Ganti' Waktu Pasaatan

Halam Na Niya' Sali' Nilagaran

Lungai Kaa Ma Mata

Siksa' Deom Pangataian Ku

Ma Saiyan Na,

Ya Pag Puhunan Ku

Siksa', Paddi', Sigpit Pikilan

Sukud Dimalas Diya' Ma Aku

Oh.. Dayang..

Mag Ganti' Waktu Pasaatan

Halam Na Niya' Sali' Nilagaran

Lungai Kaa Ma Mata

Siksa' Deom Pangataian Ku

Ma Saiyan Na,

Ya Pag Puhunan Ku

Siksa', Paddi', Sigpit Pikilan

Sukud Dimalas Diya' Ma Aku

#NukilanMaramsaSahial

#LoghatBahasaBajauSamaUbian

#TawauSabah23092018

NGENTOM AKU MA KA'A

Taggol Kaa Bai Laan Lasa 

Taggol Kaa Bai Namban Lasa

Masihkah Aku Takila Nu 

Masihkah Aku Ma Atai Nu

Aku Na, Ya A'a 

Ngentom Sidja Ma Ka'a

Takissa Ku Siksa' Toongan

Paddi' Pikilan, Binasa Pangataian

A'a Ya Nilagaran,

Sali' Mbal Na Mole' Pabalik

Halam Na Niya', 

Sehe'-sehe' Ku Pag Puhunan

Minsan Siksa' Na Aku

Bilahi Ku Halam Bai Mapas

Pabalik Kaa, Lagaran Ta Kaa Maitu

Taggol Kaa Bai Laan Lasa 

Taggol Kaa Bai Namban Lasa

Masihkah Aku Takila Nu 

Masihkah Aku Ma Atai Nu

Aku Na, Ya A'a 

Ngentom Sidja Ma Ka'a

Bilahi Ku Halam Bai Mapas 

Pabalik Kaa, Lagaran Ta Kaa Maitu

#NukilanMaramsaSahial

#LoghatBahasaBajauSamaUbian

#SempornaSabah25092018

SUKUP NA

Sukup Na Lasa Ku 

Sukup Na Dayang Ku

Siksa Ya Bai Pamuan Nu

Kamemon Tahati Ku Na

Halam Niya' Loa Na Kasilasa Nu 

Puhung Ma Alta' Ya Bilahi Nu Ma Aku

Da'a Na Kaa Asa

Da'a Na Kaa Takka Ni Aku

Halam Na Niya' Bilahi Ku Ma Ka'a

Kamemon Tahati Ku Na

Halam Niya' Loa Na Kasilasa Nu 

Puhung Ma Alta' Ya Bilahi Nu Ma Aku

Da'a Na Kaa Asa

Da'a Na Kaa Takka Ni Aku

Halam Na Niya' Bilahi Ku Ma Ka'a

Sukup Na Lasa Ku 

Sukup Na Dayang Ku

Siksa Ya Bai Pamuan Nu

#NukilanMaramsaSahial

#LoghatBahasaBajauSamaUbian

#SempornaSabah26092018

SUMILAN KITA MAGTAMMU

Sumilan Bah Lasa,

Kita Makapagtammu Nagi'

Hakain Kono' Aku Lasa,

Panambal Entom Ku Ma Ka'a

Sumilan Bah Lasa,

Kita Makapagtammu Nagi'

Taggol Na Pangagad Ku Ka'a

Ya Entom Ku Ma Ka'a Mbal Pabista

Ma Waktu Kalaan Nu

Tanda' Ku Lendom Junnya Diya'i

Ma Saat Kaa Pabalik 

Tanda' Ku Mag Sahaya Junnya Diya'i

Sumilan Bah Lasa,

Kita Makapagtammu Nagi'

Hakain Kono' Aku Lasa,

Panambal Entom Ku Ma Ka'a

Ma Waktu Kalaan Nu

Tanda' Ku Lendom Junnya Diya'i

Ma Saat Kaa Pabalik 

Tanda' Ku Mag Sahaya Junnya Diya'i

Sumilan Bah Lasa,

Kita Makapagtammu Nagi'

Hakain Kono' Aku Lasa,

Panambal Entom Ku Ma Ka'a

#NukilanMaramsaSahial

#LoghatBahasaBajauSamaUbian

#SempornaSabah26092018

PIUN PASAGARUN NA

Likkas Kaa.. 

Bilahi Ma A'a Saddi

Likkas Kaa.. 

Muan Lasa Nu Ma A'a Saddi

Pagmatuhan Ku Na

Mbal Kaa Sali' Tataima' Ku 

Heya Toongan Kasa'an Nu Ma Aku

Piun Na, Pasagarun Na.. 

Hap Nagi' Aku Dangan-dangan

Kaniya' Nu, Makapaddi' Sidja Pikilan

Siksa', Paddi' Atai.. 

Atas Na Ni Tangisan 

Sehe' Karukkaan, Pamahap Parasahan

Piun Na, Pasagarun Na.. 

Hap Nagi' Aku Dangan-dangan

Kaniya' Nu, Makapaddi' Sidja Pikilan

#NukilanMaramsaSahial

#LoghatBahasaBajauSamaUbian

#SempornaSabah27092018

ENTOM HALAM MAG LIMBANG

Halam Bai Takissa Ku

Siksa' Biti'itu

Entom Ku Ma Ka'a

Ya Laan Nambanan Aku

Mingga Sumpah Janji' Nu

Lasa Bilahi Ma Aku

Manis Wal Ma Bissala

Ta'u Kaa Mag Kata- kata

Tapaksa' Taima' Ku

Minsan Toho' Bohe' Mata

Sarahakan Ku Ni Maha Kawasa

Hamniya' Alta' Mag Jota

Ya Tapamuan Ku

Wal Atai Kasih Lasa

Gaos Bog-bog Min Aku

Tapaksa' Taima' Ku

Minsan Toho' Bohe' Mata

Mbal Sanggup Aku Bilahian A'a

Lanu' Wal Ma Bissala

Tapaksa' Tallon Ku

Bissala Lanu' Si Manis Danda

Entom Hamniya' Katakkahan

Sali' Lukluk Maka Bulan

Hamniya' Alta' Mag Jota

Ya Tapamuan Ku

Wal Atai Kasih Lasa

Gaos Bog-bog Min Aku

Baliu Pasampaiun

Kasih Lasa Ku Ma Ia

Peen Ya Takissa Na

Entom Halam Mag Limbang

Tapaksa' Taima' Ku

Minsan Toho' Bohe' Mata

Mbal Sanggup Aku Bilahian A'a

Lanu' Wal Ma Bissala

Tapaksa' Tallon Ku

Bissala Lanu' Si Manis Danda

Entom Hamniya' Katakkahan

Sali' Lukluk Maka Bulan

Baliu Pasampaiun

Kasih Lasa Ku Ma Ia

Peen Ya Takissa Na

Entom Halam Mag Limbang

#RinduTakBertemanVersiBajau

#LoghatBahasaBajauSamaUbian

#TawauSabah10072022

WAL KA'A

Pamuanku...

Kasilasa, Wal Ma Ka'a 

Taima'un Na...

Hilas, Sussi Ya Kasilasaku

Oh Lasa... 

Oh Kumala'ku

Da'a Kaa Bimbang

Pangataianku, Wal Ma Ka'a 

Hap Sali' Parasahan

Bang Ka'a Na Ya Tasuratan

Oh Lasa... 

Oh Kumala'ku

Pamuanku...

Atai Ya Bilahi Ma Ka'a 

Taima'un Na...

Hilas, Sussi Ya Bilahiku

Oh Lasa

Oh Kumala'ku

Da'a Kaa Laan 

Da'a Kaa Nambanan Aku

Tunggal Kaa Ma Ataiku

Halam Na Niya' Dua Na

Oh Lasa

Oh Kumala'ku

#NukilanMaramsaSahial

#LoghatBahasaBajauSamaUbian

#Semporna14032019

SAMBUTUN KASIH LASA KU

Sakahaba' Kohap 

Entom Ku Mbal Bakkat 

Pasong Lendom Sangom 

Entom Ku Mag Duruhun 

Bang Mata Pakaddom 

Lowa Nu Magtui Palambung 

Bang Aku Maka Tuli

Lowa Nu Sidja Tauppi

Oh... Dayang

Manis Kandi'isan

Danda Hap

Lanu' Mag Bissala 

Danda Hatul

Lingkat Gi' Sab Addatan

Oh... Dayang

Manis Pamaihu'an

Amu'-Amu' Ku Ni Tuhan

Kita Mag Dikayu' Suratan

Pi'itu Na Kaa Dayang

Sambutun Kasilasa Ku

#NukilanMaramsaSahial

#LoghatBahasaBajauSamaUbian

#SempornaSabah27032019

TAHATI NU KAH

Tahati Nu Kah?

Biti'ingga Ku Lasa Ma Ka'a 

Tahati Nu Kah?

Jantung Atai Ku Ilu Ma Ka'a

Minsan Gi' Junnya Pabila' Dua

Arapun Bilahi Ku Mbal Papinda

Ya Na Pinikilan 

Bissala Min Deom Atai Ku

Waldu Ka'a...

Sumping Makahaluk Tuli Ku 

Da'a Na Aku Pasagaran Nu Ngagad 

Pi'itu Na Kaa Lasa

Amu' Ku Dayang Ma Ka'a

Bang Ka'a Na Tasuratan

Mbal Na Kaa Kalabbahan

Ka'a Na Putli' Pangataian Ku 

Waldu Na Ka'a Kalasahan Ku

Janji' Ku Dayang Ma Ka'a

Sumpah Min Atai Lapal Bissala

Baran Nu, Toongan Jagahan Ku

Sampai Ni Katapusan Dikayu' Waktu

#NukilanMaramsaSahial

#LoghatBahasaBajauSamaUbian

#SempornaSabah16042019

DARAN KAA TAENTOM KU

Ma Waktu 

Dangan-dangan

Taentomku Kaa Dayang

Ma Waktu Kaullum Nu

Mag Lasa Kita Duangan

Oh Dayang Kalasahan

Ellau Mag Ganti' Ellau

Tahun Mag Ganti' Tahun

Entomku Halam Mapas

Sali' Meya' Ma Lan Napas

Paddi' Takissa 

Sabalan Ku Na Sidja 

Bang Mbal Kasandalan 

Atas Na Ni Tangisan

Oh Dayang Kalasahan

Halam Na Niya' Ganti' Nu 

Masih Kaa Mareom Atai Ku 

Kalungai Nu, 

Sali' masih Baha'u 

Masih Kaa Taenda'-enda' ku

#NukilanMaramsaSahial

#LoghatBahasaBajauSamaUbian

#SempornaSabah21042019

BALIYU HAKAIN IYA

Bilahi Aku Ma Iya

Min Panganda' Ku Min Tadda

Maka Bissala Deom Atai Ku

Marai' Iya Na Tu Ya Suratan Ku

Biti'itu Lowa Na

Bang Kita Maka Bilahi Na

Wal Iya Sidja Mata, Mareom Atai Ta

Lingkat Toongan

Lanu Panganda' Ku Ma Iya 

Mbal Sinumu, 

Aku Nganda' Ma Iya

Baliyu Hakain Iya Ma Aku

Ai Ya Niya' Mareom Atai Ku

Ya Aku, 

Bilahi Na Ma Iya

Maka Bilahi Na Ma Iya

#NukilanMaramsaSahial

#LoghatBahasaBajauSamaUbian

#TawauSabah12062022

LANU' KIUMAN NU

Taentom Ku 

Bai Marikayu' Waktu

Palangngan Bai Aku Ni Luma' Nu

Ngobba-ngobba Pangataian Ku

Napas Ladju Angon Mbal Tatammu

Lowa Na,

Ilu Kaa Mareom Luma'

Ma Bukutan Lawang, Nganda' Ni Aku

Kiuman Nu,

Maka Pugtu' Jantung Ku

Lingkat Toongan Tanda' Ku

Ngalamma 

Baran, Atai, Pikilan

Min Ellau Bai Tanda' Ku Kaa 

Dayang

Pikilan Lungai 

Magleyang-leyang

Taentom Sidja Kiuman Nu 

Dayang

Baran Ku Mbal Na Kaakkalan

Bilahi Aku Magtammu Maka Ka'a 

Dayang

#NukilanMaramsaSahial

#LoghatBahasaBajauSamaUbian

#TawauSabah27042019

KALASAHAN TA KAA

Sali' Sumping Baha'u Makkal 

Ngagaran Sinag Sahaya Ellaw 

Ngagaran Bohe' Ringin Alu' Palabu'

Bataihi' Ru Sab Aku

Ngagaran Ka'a Maitu 

Ngagaran Ka'a Pi'itu Ni Aku

Landu' Bilahi Ku

Landu' Kasilasa Ku

Ka'a Ma Jantung Ku

Ka'a Ma Pidju Mata Ku

Ka'a Na Sijja Ma Pikilan Ku

Ka'a Ru Makahap Parasahan 

Ka'a Ru Ya Makakosog Ma Baran

Ka'a Ru Sab Ya Makahantap Pikilan

Bang Aku Mareom Kasusahan 

Ka'a Na A'a Ya Kosog Ya Nabang 

Bang Aku Mareom Karukkaan 

Ka'a Na A'a Ya Ma Tuntul Ni Kahapan

Suara Nu, Bissala Nu 

Maka Sannang Atai Ku

Baran Nu, Lowa Nu 

Maka Lungai Kasusahan Ku

Hangkan Ko' 

Landu' Bilahi Ku

Landu' Kasilasa Ku

#NukilanMaramsaSahial

#LoghatBahasaBajauSamaUbian

#SempornaSabah29102019

AMU' KU MA KA'A

Minsan 

Lasa Ku Bataan Palaan

Da'a Kaa Magkarukaan 

Da'a Sab Kaa Magkasusahan

Amu' Ku Ma Ka'a

Patotogun Sabal Maka Iman 

Da'a Meya' Sassat Kasehe'an

Entomun Janji' Ku

Pabalik Ru Aku 

Marikayu' Waktu

Mabontol Kasa'an 

Matangge Kabannalan

Hilas Bilahi Ku

Halam Bai Papinda

Sali' Bai Waktu Rahulu

Bang Aku Ngentom

Daran Na Sidja Loa Nu Palambung

Amu'an Nu Aku Duwa'a

Mpe’en Aku Magkasannangan

Masosongun Waktu

Kita Maka Pagtammu Nagi'

#NukilanMaramsaSahial

#LoghatBahasaBajauSamaUbian

#TawauSabah13092020

SALAM KASILASA

Taima'un Na Rayang

Salam Kasilasa Ku Ni Ka'a

Palabba Na Kaa Magtangis

Diya' Na Aku Takka Ni Ka'a

Oh Lasa

Oh Kumala'

Saddi Aku 

Sali' Bai Rahulu

Palaan Nambanan Ka'a

Akkal Laat Magkarupangan

Da'a Kaa Bimbang

Da'a Kaa Magdua-dua

Sataggol Ku Malunsulan

Emboho' Tatammu Akkal Pikilan

Lowa Na, Ka'a Na Mussa' Bulawan

Embal Kaa Laan, 

Min Mata, Atai, Pikilan

Taentom Ku Kaa Sidja Rayang

Taimaun Aku Rayang

Paluasun Na Kasilasa Nu

Ma Aku, Ya Masih Lagaran Nu

Oh Lasa

Oh Kumala'

Da'a Kaa Bimbang

Da'a Kaa Magdua-dua

Kahapan

Kasannangan 

Ya Masih Lagaran Nu

Pasong Na Ma Ellaw Sosongun

Oh Lasa 

Oh Kumala'

Taima'un Na Rayang

Salam Kasilasa Ku Ni Ka'a

Palabba Na Kaa Magtangis

Diya' Na Aku Takka Ni Ka'a

Pi'itu Kaa Magkasannangan

Palanjal Ta Langgan Ni Kahapan

#NukilanMaramsaSahial

#LoghatBahasaBajauSamaUbian

#TawauSabah23092020

TAENTOM NU KAH

Taentom Nu Kah

Bai Waktu Pagbeya' Ta

Maglagog, Magjullit, Magistowa

Magkabilahi, Magkasih Lasa

Sago', Batnaan

Tambanan Nu Aku

Takaipat Nu Na Aku

Parahal, Yuk Nu

Lasa Toongan Kaa Ma Aku

Bilahi Toongan Kaa Ma Aku

Ullum Kamatai Unungan Nu Aku

Lowa Na, 

Wal Mabowa' Sidja

Ma Atai Mbal Dalowa

Halam Na Niya' Waktu

Mikilan Kasih Lasa, Bilahi Ma Ka'a

Halam Niya' Tahinang Ku

Piun Na Kamemon Palabai

#NukilanMaramsaSahial

#LoghatBahasaBajauSamaUbian

#TawauSabah03062022

DA'A BEYA' TA BISSALA A'A

Atai Ku Landu' Bimbang

Bang Taentom Ku Kaa Dayang

Lanu' Toongan Labaian Ta

Masaat, Mawaktu Bai Pagbeya' Ta

Ellum Kah Aku 

Bang Kaa Mbal Taka' Ku Limbang

Ohhh Dayang...

Ohhh Kalasahan Ku

Tahati Nu Kah 

Ai Mareom Pikilan Ku

Wal Ka'a 

Dangan-Dangan 

Danda Kinalasahan

Amu' Ku Sab Ma Ka'a

Tunggal Aku Ma Atai Nu Lasa

Palawak Ta Kala'atan

Da'a Beya' Ta Fitnah Bissala A'a

Da'a Kaa Pala'an

Da'a Kaa Nambanan Aku

Bilahi Ku,

Kasih Lasa Ku Ma Ka'a

Sampai Sidja Bakkat Innyawa

Mbal Na Papindah

#NukilanMaramsaSahial

#LoghatBahasaBajauSamaUbian

#TawauSabah02062022

DA'A KAA PALAWAK

Song Katulak Nu 

Maid Kaa Min Aku

Heka Suli Nu

Mbal Tataima' Ku

Palawak Kaa Lasa

Sali' Kaa Palaan Min Aku

Angai Kaa 

Rayang Ku Biti'ilu

Halam Tahati Nu

Siksa Deom Atai Ku

Minsan Kaa Sekot

Daran Kaa Subai Tanda' Ku

Ai Nagi',

Bang Kaa Lawak Min Aku

Sali' Bakkat Ya Lan Napas Ku

Pikilun Kumala'

Jantung, Buliga' Atai Ku

Da'a Na Aku Siksa' Nu

#NukilanMaramsaSahial

#LoghatBahasaBajauSamaUbian

#TawauSabah22112020

MASIH KAA MA ATAI KU

Takissa Ku Parasahan

Minsan Mareom Patulihan

Tauppi-uppi Ku Kaa Rayang

Paluas Kaa Ni Aku

Maentom Pabalik Kasih Lasa

Ya Bai Hogot Komkoman Ta 

Taggol Toongan 

Bai Kaa Laan Nambahan Aku

Bowa Nu Kasih Lasa Ta

Tapukan Nu Ma Tong Alam Junnya 

Lawak Toongan 

Mbal Tagaos Baran Nu Nipihan

Siksa Aku Mataitaian Waktu 

Mag Tangis, Mag Doot 

Mag Karukkaan Reom Pangataian

Batnaan, 

Bowa Nu Ni Aku

Lapal Kabtangan Bissala 

Ya Bai Lanu' Labaian Ta

Bilahi Kaa Pabalik Ni Aku

Kaa Ru Maka Labba Tangisan Ku

Kaa Ru Maka Sannang Pangataian Ku

Alhamdulillah

Oh Rayang Ku

Masih Kaa Lagaran Ku

Masih Kaa Mareom Atai Ku

Masih Kaa Kalasahan Ku

Sugpat Ta Pabalik

Kasih Lasa Ya Baina Pugtu'

Oh... Rayang

Oh... Lasa Kalasan Ku

Sugpat Ta Pabalik

Kasih Lasa Ya Baina Pugtu'

#NukilanMaramsaSahial

#LoghatBahasaBajauSamaUbian

#TawauSabah12122020

SULAI HATIHUN

Halam Bai Aku Pahali

Palangi Marilautan Atai Nu

Patuhun Ni Kalaloman Jantung Nu

Halam Niya' Paksaan

Atawa Kabtangan Pogosan

Tataima' Nu Aku Makahilasan Atai Nu

Taima' Nu Aku

Da'a Na Aku Tilau Nu

Da'a Na Aku Sussa' Nu

Sulai Hatihun

Atai Ku, Baran Ku, Napas Ku

Kamemon Wal Ma Ka'a

Jari, Patotog Na Kaa 

Mitu Na Kaa Ma Okoman Ku

Da'a Na Kaa Mag Dua-dua

Taima'un Aku Sahilas Atai Nu

Hatihun Na Kamemon Bissala Ku

Tali'un Na Kamemon Ma Jantung Nu

Bilahi Parikayu' Ku

Kasih Lasa Ta Karua

Jari, Patotog Na Kaa 

Mitu Na Kaa Ma Okoman Ku

Da'a Na Kaa Mag Dua-dua

Taima'un Aku Sahilas Atai Nu

Hatihun Na Kamemon Bissala Ku

Tali'un Na Kamemon Ma Jantung Nu

Bilahi Parikayu' Ku

Kasih Lasa Ta Karua

#NukilanMaramsaSahial

#LoghatBahasaBajauSamaUbian

#TawauSabah13122020

KALU NIYA' SUKUD

Masih Paddi' Parasahan

Pali' Ma Atai He' Nu Ngahinang

Manis Bai Kasih Lasa Ta

Pait Na Ma Waktu Batnaan

Minheka Sulaian Ku

Laanan Ta Kaa Min Pangataian

Songkon Na Ni Lungai

Pasong Na Entom Ku Ma Ka'a

Wal Ka'a 

Dikayu' Kalasahan Ku

Halam Na Niya' Saddi

Ellau Niellau 

Lagaran Ta Kaa

Kalu Sukud Magbalik Kita

Kamemon Lahat Bai Libut Ku

Rilaut Raleya Bai Na Sik-sik Ku

Ma Waktu, Ma Ellau Maka Sangom

Ya Lungai Ta Kaa Min Pangataian

Sago',

Embal Patigtig

Embal Na Palaan

Mareom Atai

Ma Jantung Lalom

Bilahi Ku, Kasih Lasa Ku Ma Ka'a

Hunit Na Ni Papasan

Lagaran Ta Kaa

Kalu Sukud Magbalik Kita

Rindu Randam Ku 

Wal Ka'a Ru Tambal Na

#NukilanMaramsaSahial

#LoghatBahasaBajauSamaUbian

#TawauSabah13022021

SIRAKA DASURATAN

Lanu' Bissala

Lanu' Bai Janji' Nu Rahulu

Mingga Na Kamemon 

Sumilan Bai Kalungai Na

Angai Aku Siksa' Nu Biti'itu

Ma Waktu Lalom Toongan Bilahi Ku

Takissa Ku, 

Paddi' Toongan Parasahan Ku

Oh Dayang

Oh Kumala' Ku

Angai Kaa Bai Maka Janji'

Tunggal Ya Aku Ma Atai Nu

 

Lowa Na,

Mahuling Masa

Tambanan Nu Ru Aku

Gom Na Kaa Ngahaka

Min Awal Tagna' Pagtammu Ta

Niya' A'a Saddi Ma Atai Nu

Mboho' Mbal Na

Aku Maka Bilahi Ma Ka'a

Angai Aku Akkalan Nu

Angai Aku Limbungan Nu

Pi'un Na

Sarahakan Ku Na Ni Ia

Mahakawasa

Marai', 

Diya'i Na Suratan Takdir 

Ma Kita

Mag Butas

Mag Labba Na Sidja

#NukilanMaramsaSahial

#LoghatBahasaBajauSamaUbian

#TawauSabah07032021

SIRAKA DASURATAN (II)

Asal Bai Tabissala 

Bilahi Aku Ma Ka'a

Asal Bai Maka Janji'

Tunggal Ma Atai Ku Kaa

Ampunun Aku Lasa

Saddi Niat Nambanan Ka'a

Mbal Kaa Niakkalan

Mbal Kaa Nilimbungan

Sabab Min Mattoa 

Rulanku Kahandak Sigam

Mag Butas

Mag Labba Na Sidja

Minsan Na 

Subai Pagsabalan Ta

Miha Naka Ganti' Ku

Ya Heka Labi Hap Min Aku

Pahapun Parasahan 

Pabontolun Na Pikilan

 

Da'a Magkarukkaan 

Da'a Magkarupangan

Taima'un, Taima'ku

Takdil, Sukud Min Tuhan

Kita Siraka Dasuratan

#NukilanMaramsaSahial

#LohatBahasaBajauSamaUbian

#TawauSabah14032021

HAMNIYA' NA KASIH LASA

Patobtob Na Maitu

Mitu Na Sidja Kasih Lasa Ta

Mbal Na Palawak

Maka Mbal Na Pasong

Mitu Na Sidja Kasih Lasa Ta

Laan Na Kaa,

Laan Na Kaa Mim Aku

Kaipatun Kamemon Bai Kalabaian Ta

Papasin Ya Bai Lanu' Pangentoman Nu

Batnaan...

Halam Na Niya' Bilahi Nu 

Mareom Kasih Lasa Ku

Batnaan...

Halam Na Niya' Kasih Lasa Nu 

Mareom Atai Ku

Kamemon Mapas Na

Kamemon Lungai Na

Pabeya' Ta Na

Masaat, Mawaktu, Maellau Palabai

Lungaian Dina Ru Kasih Lasa

Uli'an Dina Ru Pali' Pangataian

#NukilanMaramsaSahial

#LoghatBahasaBajauSamaUbian

#TawauSabah24042022

KA'A LIMBANG ATAI KU

Bang Enda' Ku Lowa Nu

Kium Landu' Manis, Mikkit Ma Mata, 

Nobsob Ni Jantung, Labu' Ni Atai

Ma Saat, Ma Waktu

Kaniya' Nu Atawa Kahalam Nu

Nehe'an Aku

Kasih Lasa, Bilahi Ma Ka'a

Mareom Bimbang, Heka Landu' Pinikilan

Ai Nagi',

Ma Saat, Ma Waktu

Kaniya' Nu Atawa Sab Kahalam Nu

Laan Kaa Nambanan Aku

Mag Duruhun Na Susah Atai Ku

Sago', 

Bang Palambung Na Lowa Nu

Ya Masih Taenda'-enda' Ku

Magtui,

Lungai Ya Bimbang

Lungai Ya Susah Pangataian

Hayang Reom Pikilan

Hap Takkissa Ku Parasahan

#NukilanMaramsaSahial

#LoghatBahasaBajauSamaUbian

#TawauSabah20052022